بصراحه وبدون تعليق الراجل ده بيتكلم صح مين هوه البرادعى اللى عايش طول عمره بعادات وتقاليد امريكيه ولما امريكا اخذت الخير الى عنده بعتته على مصر وطبعا هيه اللى شجعته على الانتخابات علشان تعمل الفتنه الموجوده حاليا داخل مصر . واعتقد والله اعلم ان البرادعى واسرته لا يجيدون اللغه العربيه لانه امريكانى واكثر الناس تأييدا للبرادعى همه حزب كفايه والكل عارف مين مؤسس حزب كفايه والفلوس اللى عندها بتيجى منين وياريت الكل يسئل نفسه ليه البرادعى عاوز يغير فى الدستور واللى ها يجننى هايحكم مصر ازاى وهوه عايش طول عمره فى امريكا وما يعرفش اى حاجه عن حالة المصريين والله يخرب بيت الصحافه هيه اللى بتعمل من الفار اسد ومن الاسد فار ومن ؟ ومن ؟ ومن ؟ ومن ؟ ومن ؟ومن؟؟؟؟؟؟؟؟

تفتكر ان هو دة رايك بما يرضى الله
طب لية مش البرادعى
طب اية عيوبة
طب فكر فكل حاجة الراجل دة طلبها هلى هى صح وفى مصلحة المصريين ام لا
فكر فاحوالنا الان هل هى عجباك
حلو الفساد اللى مالى البلد اللى مسبش مكان الا وانتشر فية لعدم وجود رقيب
تفتكر ان فى اى خطة عند الحكومة بجد تقدر تنفذها على الاقل فى عشر سنين تحسن بيها حياتنا مقارنة بالوضع الحالى
لية منكونش زى اى دولة بدأت معانا من30سنة ومعنهاش امكانيتنا زى السعودية مثلا او فى اروبا
طب قوللى انت اية بقى مميزات الوضع الحالى اللى عجبك انت
بالزمة انت عجبك حلنا

مفيش مميزات موجوده دلوقتى وكلنا عارفين خلاص ان الفساد وكل حاجه وحشة موجوده فى الوقت ده
لكن السؤال البرادعي عمل ايه لمصر ؟؟؟ ايه نشطاته اللى طور بيها حياتنا اللى عايشنها ؟؟
انا معرفش ومسمعتش من البرادعي غير التغيير التغيير احنا فعلاً محتاجين التغيير ده لكن منفذش منه حاجه احنا عاوزين حد بتاع افعال ومش كلام

اولا قبل ما ابدء كلامى اقسم بالله انى غير منحاز لاى شخص وانى راجل فلاح عادى ونفسى نكون احسن من اى دوله فى العالم ومش مهم عندى مين يكون رئس مصر المهم يكون هوه الاصلح للحكم يا اخ احمد
ليه مايكنش البرادعى لانه عايش طول عمره فى امريكا وميعرفش اى حاجه عنك وعنى وعن الشعب الغلبان
عيوبه انه اعلنها فتنه فى يوم وليله عاوز يكون هوه الرجل الاول فى مصر تقدر تقولى هوه رجع ليه من امريكا فى الوقت ده بالذات ومن امتى البرادعى بيزور مرضى او بيشارك فى اى جنازه لكن تقدر تقولى هوه عمل ايه لمصر بعلمه وكل حاجه طلبها احنا محتاجنها وعرفنها وبيطلبها كل مرشح وبيوعد بيها فى اى انتخابات لاكن فى حاجه بتتحقق اما بالنسبه لموضوع الفساد بصراحه احنا السبب احنا اللى بنسكت واحنا اللى بنختار الناس دية اقصد اعضاء مجلس الشعب والشورى اما الناس التانيه فخليها على الله اما بالنسبه للسعوديه واسئل اللى عايش فيها دى اطهر ارض وعليها ؟؟؟؟؟؟؟؟؟؟؟؟ ويا عم قارن بينك وبينهم فى عدد السكان مثلا
الحاجه الاخيره كلنا بنحلم نكون من اصحاب العلم والمال فى نفس الوقت تقدر تقولى انتا عملت ايه لنفسك
حلمت باى شيء وحاولت تحققه الاخ بيقتل ااخوه وممكن يقتل ابوه علشان مصلحته يا ترى الاسلام امرنا نعمل كده قبل ماتحاول تصلح عيوب الاخرين لازم تصلح عيوبك انتا يا ترى وانتا ماشى يوم فى اى شارع شوفت شىءغلط وحاولت تصلحه كلنا بنقول واحنا مالنا لو كل واحد اصلح نفسه واهله وجيرانه وامرهم بالصلاه ها نكون احسن دوله فى العالم البرادعى ايام ماكان رئس للوكاله طلب اى حاجه للشعب المصرى علشان التغيير عمل اى شىء يلفت النظر اليه داخل مصر وكانت الحمايه ليه هيه وظيفته لاكن دلوقت تقدر تقولى مين اللى بيحمى البرادعى وهوه داخل مصر ؟ولما سافر امريكا علشان يجمع التوكيلات المصريين عملو معاه ايه؟